युनिकोड
प्रहरी प्रधान कार्यालयले चारजना प्रहरी नायव उपरीक्षक (डीएसपी) लाई प्रहरी उपरीक्षक (एसपी) मा बढुवाका लागि सिफारिस गरेको छ।
शुक्रबार बसेको प्रहरी प्रधान कार्यालयको बढुवा समितिको बैठकले जनपथ प्रहरी समूहका चारजना डीएसपीलाई एसपीमा बढुवा सिफारिस गरेको हो।
प्रहरी अतिरिक्त महानिरीक्षक एवम् बढुवा समिति सदस्य सचिव भीमप्रसाद ढकालले जारी गरेको सूचनाअनुसार बढुवा सिफारिस हुने सूचीको एक नम्बरमा प्रदीबहादुर क्षेत्री छन्।
त्यसैगरी बढुवा सिफारिस हुनेमा नारायण रञ्जितकार, अनन्तराम शर्मा र एकनारायण कोइराला छन्।
हेर्नुहोस् सूचना
प्रतिक्रिया