आज (शनिबार) राति पनि तीन प्रदेशमा हावाहुरीको सम्भावना रहेको मौसम पूर्वानुमान महाशाखाले जनाएको छ।
महाशाखाका अनुसार राति कोसी, मधेस र लुम्बिनी प्रदेशका थोरै स्थानमा हावाहुरीको सम्भावना देखिएको हो।
महाशाखाले शनिबार साँझ जारी गरेको बुलेटिनअनुसार कोसी र गण्डकी प्रदेशका पहाडी भेगमा आंशिक बदली रही देशका बाँकी स्थानमा आंशिक बदलीदेखि मौसम मुख्यतया सफा रहने छ।
यस क्रममा राति कोसी र गण्डकी प्रदेशका उच्च पहाडी तथा हिमाली भूभागका एक/दुई स्थानमा हल्का हिमपात हुने सम्भावना छ।
रातिलाई वर्षाको सम्भावना भने देखाइएको छैन।
शनिबार दिउँसो पनि काठमाडौँ उपत्यकासहित देशका विभिन्न स्थानमा हावाहुरी चलेको थियो।
हाल नेपालमा पश्चिमी वायु र स्थानीय वायुको आंशिक प्रभाव रहेको महाशाखाले जनाएको छ।
1.2k
Shares
प्रतिक्रिया