युनिकोड
कास्की प्रहरीले विभिन्न समयमा हराएको सूचना अनुसार फेला परेका ४ वटा मोटरसाइकल र एउटा स्कूटर सम्बन्धित व्यक्तिलाई हस्तान्तरण गरेको छ।
जिल्ला प्रहरी कार्यालय कास्कीका प्रवक्ता प्रहरी नायव उपरीक्षक राजकुमार केसीका अनुसार प्रहरीले विभिन्न समयमा चोरी भएका र प्रहरीको अनुसन्धान टोलीले पत्ता लगाएका विभिन्न ब्राण्डका १० थान मोबाइल पनि सम्बन्धित व्यक्तिलाई बुझाएको छ।
उनका अनुसार प्रहरीले ग १६ प ८५५९ स्कुटरसहित ग १० प ४६४८, ग १ प ३०६५, ग ३ प ६५२६ र ग ३ प ३०६८ नम्बरका हराएका मोटरसाइलहरु हस्तान्तरण गरिएको हो।
कास्की प्रहरीले हरेक महिनाको १ र १५ गते हराएका वा चोरी भएर प्राप्त भएका सामान सम्बन्धित व्यक्तिलाई हस्तान्तरण गर्ने तालीका समेत बनाएको छ।
प्रतिक्रिया