युनिकोड
जल तथा मौसम विज्ञान विभागअन्तर्गत मौसम पूर्वानुमान महाशाखाले देशभर तापक्रम घट्ने र चिसो बढ्ने क्रम जारी रहेकाले सजगता अपनाउन सुझाव दिएको छ।
महाशाखाले आज (सोमबार) साँझ ६ बजे ‘आगामी २४ घण्टा (मंगलबार साँझ ६ बजेसम्म) का लागि चेतावनी तथा परामर्श’ जारी गरेको हो।
जसमा भनिएको छ, ‘देशभरिको तापक्रम घट्ने क्रममा रहेकोले चिसोबाट बच्न आवश्यक सतर्कता अपनाउनहुन सबैमा अनुरोध छ।’
मौसम महाशाखाका अनुसार आज राति कोशी, मधेश, र बागमती प्रदेशमा आंशिक बदली (आकाशमा बादल) देखि सामान्यतया सफा तथा बाँकी स्थानमा मौसम सामान्यतया सफा (प्रायः आकाश खुला) रहनेछ।
महाशाखाको मौसम पूर्वानुमान बुलेटिनअनुसार मंगलबार दिउँसो कोशी, मधेश, बागमती, गण्डकी र लुम्बिनी प्रदेशमा आंशिक बदलीदेखि सामान्यतया सफा तथा बाँकी स्थानमा मौसम सामान्यतया सफा रहनेछ।
यस्तै मंगलबार राति कोशी, मधेश, बागमती, गण्डकी र लुम्बिनी प्रदेशमा आंशिक बदली रही देशका बाँकी स्थानमा आंशिक बदलीदेखि मौसम सामान्यतया सफा रहने महाशाखाले अनुमान गरेको छ।
प्रतिक्रिया