युनिकोड
सर्लाहीको बागमतीमा गएराति मोटरसाइकलबाट उछिट्टिँदा बसले किचेर ज्यान गुमाउने युवकको सनाखत भएको छ।
शनिबार साँझ पूर्वपश्चिम राजमार्गमा पर्ने बागमती नगरपालिका- ४ पुरानो चौकीमा दुई मोटरसाइकल आपसमा ठक्कर खाँदा उछिट्टिए सडकमा खसेका युवकलाई बसले किचेको थियो।
बसले किचेर मृत्यु भएका युवक सर्लाहीकै ईश्वरपुर नगरपालिका- ५ का ३५ वर्षीय सुनिल लामा रहेका जिल्ला प्रहरी कार्यालय सर्लाहीका डीएसपी दीपेन्द्र पञ्जियारले जानकारी दिए।
तीव्र गतिमा रहेको प्र-२-०३-००६ प ६७ मोटरसाइकल र दुईजना प्रहरी सवार बा.२ ब ५७६६ नम्बर सरकारी मोटरसाइकल आपसमा जुध्दा प्र२ ०३ ००६ प ६७ नम्बरको मोटरसाइकलमा सवार लामालाई बसले किचेको थियो।
दुई मोटरसाइकल ठोक्किँदा सडकमा खसेका युवकलाई काठमाडौँ तर्फ जाँदै गरेको ना७ ख १८३६ नम्बरको बसले किच्दा उनको घटनास्थलमै मृत्यु भएको प्रहरीले जनाएको छ।
दुर्घटनामा इलाका प्रहरी कार्यालय कर्मैयामा कार्यरत प्रहरीका सई नारायण दाहाल, हवलदार नारायण न्यौपाने र अर्को मोटरसाइकका चालक ईश्वरपुर ५ का रमेश महतो घाइते भएका छन्। उनीहरुको धनुषाको लालगढस्थित लालगढ मोडेल अस्पतालमा उपचार भइरहेको प्रहरीले जनाएको छ।
दुर्घटनापछि बसका चालकलाई प्रहरीले नियन्त्रणमा लिएको छ।
प्रतिक्रिया