आज (आइतबार) बिहान ८० मिनेटभित्र धादिङ केन्द्रबिन्दु भएर चारपटक भूकम्प गएका छन्।
राष्ट्रिय भूकम्प मापन तथा अनुसन्धान केन्द्रका अनुसार सुरुमा बिहान ७ बजेर ३९ मिनेट जाँदा धादिङको खरी केन्द्रबिन्दु भएर ६.१ म्याग्निच्युडको भूकम्प गएको हो।
उक्त भूकम्पको धक्का काठमाडौँ उपत्यकासहित आसपासका क्षेत्रमा पनि महसुस गरिएको थियो। काठमाडौँ उपत्यका मज्जैसँग हल्लिएको थियो।
यस्तै यसको २९ मिनेपछि अर्थात् बिहान ८ बजेर ८ मिनेट जाँदा खरी नजिक क्षेत्र केन्द्रबिन्दु भएर ४.२ म्याग्निच्युडको भूकम्प गएको भूकम्प मापन केन्द्रले जनाएको छ।
फेरि यसको २० मिनेटपछि अर्थात् बिहान ८ बजेर २८ मिनेट जाँदा ४.३ म्याग्निच्युडको भूकम्प गयो भने ५१ मिनेटपछि अर्थात् बिहान ८ बजे ५९ मिनेट जाँदा खरी केन्द्रबिन्दु भएर ४.१ म्याग्निच्युडको भूकम्प गएको केन्द्रले जानकारी दिएको छ।
हेर्नुहोस् भूकम्प मापन केन्द्रको रेकर्ड-
Shares
प्रतिक्रिया