युनिकोड
काठमाडौंको कीर्तिपुरमा मोटरसाइकलको ठक्करबाट १२ वर्षीय एक बालकको मृत्यु भएको छ।
बिहीबार नम्बर नखुलेको मोटरसाइकलले कीर्तिपुर नगरपालिका नजिकैको ल्याबरेटोरी स्कुल अगाडि ठक्कर दिँदा १२ वर्षीय सुरज मगरको मृत्यु भएको प्रहरी वृत्त कीर्तिपुरले जनाएको छ।
सिन्धुपाल्चोक घर भई कीर्तिपुरमा डेरा गरी बस्ने बालक मोटरसाइकलको ठक्करबाट गम्भीर घाइते भएका थिए। उनलाई उपचारको लागि बल्खुस्थित बयोधा अस्पताल पुर्याउँदा चिकित्सकले मृत घोषणा गरेका थिए।
बालकलाई ठक्कर दिएपछि मोटरसाइकल भागेको प्रहरीले जनाएको छ। प्रहरीले सीसीटीभी फुटेजको माध्ययमबाट मोटरसाइकल चालकको खोजी सुरु गरेको छ।
प्रतिक्रिया