सिंहदरबारको फोहोर नउठाउने मेयर बालेनको घोषणा

काठमाडौं महानपालिकाका मेयर बालेन्द्र साहले देशको प्रमुख प्रशासनिक अखडा सिंहदरबारको फोहोर नउठाउने घोषणा गरेका छन्।

उपत्यकाको फोहोर नुवाकोट र धादिङमा व्यवस्थापनका लागि संघीय सरकार र तिनका निकायले असहयोग गरेको भन्दै मेयर साहले यो घोषणा गरेका हुन्।

साह मेयरमा निर्वाचित भएलगत्तै धादिङको बन्चरेडाँडा र नुवाकोटको सिसडोलमा फोहोर फ्याँक्ने काममा स्थानीय दलका कार्यकर्ताले नै अवरोध गरेका थिए।

यस पटक पनि अवरोध सुरू हुन थालेको छ। यस्तोमा संघीय सरकारको सहयोग खोजिरहेका बालेन एक्लै परेपछि उनी आक्रोशित भएका हुन्।