हुकिङ गरेर विजुली चोर्ने पाँच जना सप्तरीबाट पक्राउ

हुकिङ गरेर विद्युत् चुहावट गरेको आरोपमा प्रहरीले सप्तरीबाट पाँच जनालाई पक्राउ गरेको छ। 

नेपाल प्रहरी, सशस्त्र प्रहरी र नेपाल विद्युत् प्राधिकरणका कर्मचारीको संयुक्त टोलीले शनिबार उनीहरुलाई नियन्त्रणमा लिएको प्राधिकरण सप्तरी शाखाले जनाएको छ। 

पक्राउ पर्नेमा विष्णु यादव, देव कुमार यादव, रामपृत यादव, जपेलाल यादव  र महेन्द्र खङ्ग खत्वे छन्। 

पक्राउ परेकाहरुलाई आवश्यक कारबाही प्रक्रिया अघि बढाइएको जिल्ला प्रहरी कार्यालय सप्तरीले जनाएको छ।