स्कुटर दुर्घटना हुँदा १८ वर्षीय किशोरको मृत्यु

मोरङको धनपालथान गाउँपालिका-३ मा ट्र्याक्टरको ठक्करबाट स्कुटर चालकको मृत्यु भएको छ।

मृत्यु हुनेमा सुनसरीको दुहबी नगरपालिका २ का १८ वर्षीय रुपेश चौधरी रहेका प्रहरीले जनाएको छ।

आइतबार साँझ रंगेली विराटनगर सडक खण्डमा पूर्वबाट पश्चिमतर्फ आउँदै गरेको को ३८ प १७७ नम्बरको स्कुटरलाई पूर्वतर्फ जाँदै गरेको को १ त ७८४३ नम्बरको ट्र्याक्टरले ठक्कर दिँदा दुर्घटना भएको हो।

दुर्घटनामा गम्भीर घाइते भएका चौधरीको उपचारका क्रममा विराटनगरको कोशी अस्पतालमा मृत्यु भएको हो। दुर्घटनामा स्कुटरको पछाडी सवार चन्द्रप्रसाद चौधरी घाइते भएका छन्।