शताब्दी पुरुष जोशीको निधनको शोकमा आज देशभर सार्वजनिक बिदा

सरकारले शताब्दी पुरुष सत्यमोहन जोशीको निधनको शोकमा आज (मंगलबार) सार्वजनिक बिदा दिएको छ। गृह मन्त्रालयले साेमबार जारी गरेको विज्ञप्तिमा आज देशभर सार्वजनिक बिदा दिने निर्णय भएको जनाएको छ।

‘शताब्दी पुरुष जोशीको निधनले शोकमा देशभरका सरकारी कार्यालय, सार्वजनिक सङ्घसंस्था र विदेशस्थित कूटनीतिक नियोगमा राष्ट्रिय झण्डा झुकाउने निर्णय भएको छ’, मन्त्रालयका प्रवक्ता फणिन्द्रमणि पोखरेलद्वारा जारी विज्ञप्तिमा भनिएको छ।

शताब्दी पुरुष जोशीको एक सय तीन वर्षको उमेरमा आइतबार बिहान निधन भएको थियो। रासस