राष्ट्रपति भण्डारीबाट भरतबन्धुको ‘नेपाल इन इमिजेज’ पुस्तक सार्वजनिक

नेपाल प्रज्ञा–प्रतिष्ठानले  प्रकाशन गरेको भरतबन्धुको ‘नेपाल इन इमिजेज’ फोटो पुस्तकमा सिंगो नेपाललाई तस्बिरमा हेर्न सकिन्छ।

नेपालको सुदूरपूर्वदेखि ओलाङचुङ गोला हुँदै सुदूरपश्चिमको कालापानीसम्म र उत्तरमा सगरमाथा देखि दक्षिणमा जानकी मन्दिरसम्मका तस्बिहरु समावेश गरिएको छ। यस्तै, हिमाल, पहाड, तराई र उपत्यकाका सबै क्षेत्रका महत्वपूर्ण तस्बिरहरूलाई पुस्तकमा रहेको छ । 

नेपालको भौगोलिक सुन्दरता, पुरातात्विक गौरव, ऐतिहासिक गरिमा र धार्मिक तथा पर्यटकीय दृष्टिले उच्च महत्व राख्ने  ५ सयभन्दा बढी रंगीन तस्बिरहरू पुस्तकमा समेटिएको लेखक भरतबन्धुले बताए।

सात प्रदेशलाई सात खण्डमा विभाजन गरी प्रत्येक प्रदेशको परिचयसहित प्रदेशलाई चिनाउने धार्मिक, ऐतिहासिक, प्राकृतिक, साँस्कृतिक विषयवस्तुको जानकारी सहित तस्बिरहरु समावेश गरिएको छ । 

‘एउटै कृतिमा एकै ठाउँमा बसेर सिंगो देश हेर्न सकिन्छ,’ भन्ने हेतुले यो पुस्तक तयार गरीएको लेखक तथा फोटोग्राफर थापाले बताए। 

हार्ड कमभरमा रहेको ३ सय ३० पृष्ठको सो पुस्तकको मूल्य २ हजार ३९५ रुपैयाँ रहेको छ।