स्कुल, कलेजका विद्यार्थी सुरक्षा लक्षित चेकिङ अन्तरगत आज २ सय ४८ जना चालकहरूलाई ट्राफिक प्रहरीले कारबाही गरेको छ।
बिहान ५ बजेदेखि ८ बजेसम्म गरिएको चेकिङका क्रममा कागजपत्र साथमा नभएका ७ जना विद्यार्थी चालकहरु कारबाहीमा परेको उपत्यका ट्राफिक प्रहरी कार्यालयका प्रवक्ता एवं प्रहरी वरिष्ठ उपरिक्षक राजेन्द्र प्रसाद भट्टले जानकारी दिए।
चेकिङकै क्रममा ट्राफिक नियम उल्लंघन गर्ने अन्य २ सय ४१ जना चालकलाई पनि ट्राफिक प्रहरीले कारबाही गरेको छ। जसमा बिहानै मदिरा सेवन गरी सवारी साधन चलाउने ३ जना चालक रहेका छन्।
नयाँबसपार्क क्षेत्रबाट बा ३ ख १००३ नम्बरको बस चालक, बा १ ज ८१ ८१ नम्बरको माइक्रो बसका चालक र दरबारमार्ग क्षेत्रबाट बा ४ ख ८० ५९ नम्बरको ट्रक चालकलाई मापसे गरी सवारी साधन चलाएको कसुरमा ट्राफिक प्रहरीले कारबाही गरेको हो।
Shares
प्रतिक्रिया