फुटबलर भरत खवास सहसेनानी पदमा बढुवा

नेपाली राष्ट्रिय फुटबल टाेलीका फरवार्ड भरत खवास नेपाली सेनाको उपसेनानीबाट सहसेनानी पदमा बढुवा भएका छन्।

त्रिभुवन आर्मी फुटबल क्लबका टिम कप्तानसमेत रहेका खवासलाई सहसेनानी पदको दर्ज्यानी चिह्न दिइएको छ।

खवासलाई एक समारोहबीच श्री सैनिक वायुसेवाका प्रमुख उपरथी आशिष नर्सिङ राणाले दर्ज्यानी चिह्न प्रदान गरे।

खवास बंगलादेश विरुद्ध हुने मैत्रीपूर्ण खेलका लागि लामाे समयपछि राष्ट्रिय टिममा परेका छन्। उनीसहितको टाेलीकाे सूची आइतबार एन्फाले सार्वजनिक गरेको छ।