युनिकोड
बुटवलको शिवनगर जंगलमा श्रीमान श्रीमती मृत फेला परेका छन्।
उपमहानगरपालिका–७ अन्तर्गतको जंगलमा बुटवल ११ देवीनगर बस्ने ६० वर्षीय काजीमान श्रेष्ठ र उनकी श्रीमती ५५ वर्षीया कमला श्रेष्ठ मृत फेला परेका हुन्।
उनीहरु एक महिनादेखि घरबाट बेपत्ता थिए। शव सुकिसकेको अवस्थामा स्थानीयले फेला पारेपछि परिवारलाई खबर गरेका थिए।
घटनास्थल अगाडि दुई वटा बिषको बोतलसमेत फेला परेको इलाका प्रहरी कार्यालय बुटवलका डीएसपी ठगबहादुर केसीले बताए।
‘बिषको डब्बा पनि भएको र जो आफ्नो सामानहरु राख्नुभएको थियो साइडमा राख्नुभएको थियो। पैसा मोबाइलहरु पनि साथमै छ। अरुबाट हत्या होइन कि जस्तो देखिएको छ’ डीएसपी केसीले भने।
घटनाबारे थप अनुसन्धान भएको उनले बताए।
प्रतिक्रिया