साढे ६ लाख नगदसहित धुलिखेलबाट २२ जुवाडे पक्राउ

काभ्रेको धुलिखेलबाट प्रहरीले साढे ६ लाख रुपैयाँ नगदसहित २२ जुवाडेलाई पक्राउ गरेको छ।

धुलिखेलको बतासे डाँडामा जुवा खेलिरहेका उनीहरुलाई गएराति पक्राउ गरिएको जिल्ला प्रहरी कार्यालय काभ्रेले जनाएको छ।

उनीहरुको साथबाट प्रहरीले साढे ६ लाख रुपैयाँ नगद र कौडा बरामद गरेको छ।

विशेष सूचनाको आधारमा पुगेको प्रहरीले उनीहरुलाई पक्राउ गरेको हो।