युनिकोड
प्रहरीले स्कुटर चोरी गरेर बेच्ने र चोरीका स्कुटर किन्ने चार जनालाई नियन्त्रणमा लिएको छ।
जिल्ला प्रहरी कार्यालय धादिङले स्कुटर चोरेर बेच्ने र चोरीका स्कुटर किन्ने चार जनाई धुनिवेसी नगरपालिका ५ बाट बिहीबार पक्राउ गरी शुक्रबार सार्वजनिक गरेको हो।
पक्राउ पर्नेमा काठमाडौं महानगरपालिका–१२ बस्ने रोहन महर्जन, टेकु बस्ने जुम्ला आचार्यबाडा गाउँपालिका–१५ का २१ वर्षीय रमेश शाही, खसीबजारका सबिन शाक्य र धादिङ धुनिबेशी नगरपालिका–५, पुरन्डीका ४० वर्षीय कुमार रेग्मी रहेका छन्।
पुरन्डीमा चोरीको स्कुटर बेचबिखन भइरहेको सूचनाका आधारमा पुगेको प्रहरी टोलीले बा। ६७ प ५८८९ र बा।५५ प २०८४ नम्बरका स्कुटरसहित पक्राउ गरेको हो। पक्राउ परेकामध्ये कुमार अरिदकर्ता रहेको र अन्य तीनजना बिक्रकर्ता रहेको प्रहरीले जानएको छ।
प्रहरीले रेग्मीको घरबाट बा५१ प ९१०६ र बा८२ प ६०७१ नम्बरका स्कुटरहरु समेत बरामद गरेको छ। ती सबै स्कुटरहरु चोरीको भएको प्रहरीले जनाएको छ।
उनीहरु उपर चोरी मुद्दामा थप अनुसन्धान भईरहेको जिल्ला प्रहरी कार्यालय धादिङले जनाएको छ ।
प्रतिक्रिया