युनिकोड
सल्यानमा आइतवार दिउँसो यात्रु बस दुर्घटना हुँदा कम्तीमा पनि ८ यात्रुको ज्यान गएको छ।
सल्यानको खलंगाबाट दाङको तुलसीपुर गइरहेको रा १ ख २५५२ नम्बरको बस आइतबार दिउँसो कपुरकोट गाउँपालिका-५ थारखोलामा खसेर दुर्घटना भएको हो।
सडकबाट करिब २ सय मिटर तल खोलामा बस खसेर भएको दुर्घटनामा घटनास्थलमै ५ जनाको ज्यान गएको छ।
अन्य तीन यात्रुको उपचारमा अस्पतालतर्फ लाने ज्यान गएको जिल्ला प्रहरी कार्यालय सल्यानले जानकारी दिएको छ।
कर्णाली प्रदेश प्रहरीका प्रवक्ता डीएसपी माधव श्रेष्ठका अनुसार दुर्घटनापछि अहिले सशस्त्र र नेपाल प्रहरीको टोली उद्धारमा खटिएको छ।
घटनास्थलमा जिल्ला प्रहरी कार्यालय सल्यानका डीएसपी पनि पुगिसकेको श्रेष्ठले जानकारी दिएका छन्।
तिहार मानेर फर्किरहेका यात्रु चढेको उक्त बसमा करिब ४० जना यात्रु सवार रहेको बताइएको छ।
प्रतिक्रिया