चरा उडेको देखेरै वैज्ञानिकले चराजस्तै आकाशमा उड्नसक्ने विमानको परिकल्पना गरेका हुन्।
त्यसैले हवाई जहाज लगायत विभिन्न किसिमका विमानहरुको बनावट चराको शारीरिक बनावटबाट प्रेरित छ।
यद्यपी अहिलेसम्म यस्तो विमानको निर्माण हुनसकेको छैन जसले चराजस्तै पखेडा फटफटाओस्।
तर यतिबेला युरोपेली विमान उत्पादक कम्पनी एयरबसले चराजस्तै पखेटा फटफटाउने विमानको परीक्षण गर्ने भएको छ।
एयरबसका अनुसार परीक्षणका लागि साना विमानहरु निर्माण भइसकेका छन्। यसको परीक्षण चाँडै गर्ने कम्पनीको भनाइ छ।
यस विमान अल्बाट्रस चराबाट प्रेरित भएको एयरबसको भनाइ छ। यसको नाम नै अल्बाट्रसवन राखिएको छ।
केही समय अगाडिमात्र एयरबसले ‘बर्ड अफ प्रे’ भनेर चराकै आकारका पार्टपुर्जा भएको विमान सार्वजनिक गरेको थियो। एजेन्सी
प्रतिक्रिया