गुगलले निर्माण गर्दै कोरोना भाइरसबारे जानकारी दिने वेबसाइट

अमेरिकी सरकारसँगको समन्वयमा आफूले वेबसाइट बनाइरहेको गुगलले बताएको हो।

उक्त वेबसाइटमा अमेरिकी नागरिकले कोरोना भाइरसको विविध जानकारी लिन सक्नेछन्। वेबसाइटमा प्रश्न पनि गर्न सकिनेछ। त्यसको उत्तर विज्ञहरुले दिने गुगलले जनाएको छ।

गुगलले ट्वीट गर्दै भनेको छ,‘हामी अमेरिकी सरकारसँग मिलेर काम गर्न कटिबद्ध छौं। कोरोनाबारे अमेरिकी नागरिकलाई जानकारी दिएर हाम्रो समुदायको स्वास्थ्यको रक्षा गर्न हामी तयार छौं।’ एजेन्सी