युनिकोड
राष्ट्रपतिको उम्मेदवार कसलाई बनाउने भन्ने विषयमा कुरा नमिल्दा एमाले–माओवादीसहितको सत्ता गठबन्धन धरापमा परेका बेला सत्ता साझेदार नेकपा एमालेका नेता भीम रावलले पनि गठबन्धन टुट्ने संकेत गरेका छन्।
शुक्रबार बिहान सुर्खेतमा पत्रकार भेटघाटमा एमालेका पूर्वउपाध्यक्षसमेत रहेका नेता रावलले वर्तमान सत्ता गठबन्धन संविधानविपरीतको भएकाले यो धेरै दिन नटिक्ने दाबी गरेका हुन्।
‘नेपाली जनताको चाहनाविपरीत भएको गठबन्धनको नतिजा हाल देखिन सुरु भयो’, रावलले भने, ‘यो गठबन्धन टिक्दैन।’
अहिलेको राष्ट्रपति चुनावको विवाद देखेर जनता चकित परेको टिप्पणी नेता रावलले गरेका छन्।
‘राष्ट्रपतिका लागि यत्रो समय बैठक किन बस्नुपरेको? कारण के हो’, उनको प्रश्न छ।
प्रतिक्रिया