भोजपुरबाट निर्वाचित माओवादी नेता सुदन किराँतीले विजयी जुलुस र भोज नगर्ने

प्रतिनिधि सभामा भोजपुर निर्वाचन क्षेत्रबाट निर्वाचित माओवादी केन्द्रका पोलिटव्युरो सदस्य सुदन किराँतीले विजयी जुलुस, भोजका कार्यक्रम नगरी त्यसमा लाग्ने खर्चले मतदाताको घर छाइदिने भएका छन्।

बिहीबार मतपरिणाम सार्वजनिक भएपछि नेपालखबरसंग कुरा गर्दै उनले घरको छानो चुहिएर बनाउन नसकेका जनताको छानो छाउने कामको सुरुवात भोलिबाटै गर्ने बताए।

‘चुनावमा जिताउने भोजपुर क्षेत्रका मतदाताको फुसको छानो विस्थापित गरेर केही घरलाई जस्तापाता दिने निर्णय गरेको छु,’ किराँतीले भने, ‘विजय जुलुस नगर्ने बरु मतदातालाई धन्यवाद सभा गर्नेछु र श्रमसंग जोडिएर कुनै विकास निर्माणको कामको सुरु पनि गर्नेछु।’

किराँतीको अपिल 
आदरणीय मतदाता देश बिदेशमा रहनुहुने आमा वावा, दिदी बहिनी, दाजु भाइ, गठबन्धन दलका नेता गण तथा आम कार्यकर्ता साथीहरु निर्बाचनलाई सफल पार्न अहोरात्र  खटिनुहुने सम्पूर्ण कर्मचारी, सुरक्षाकर्मी र पत्रकार र कलाकार मित्रहरुमा सर्बप्रथम त हार्दिक धन्यवाद ब्यक्त गर्दछु।