बागमती सरकारको नेतृत्व माओवादीको भागमा, मुख्यमन्त्री बन्दै शालिकराम

नेकपा एमालेका एक शीर्ष नेताले बागमती प्रदेशको मुख्यमन्त्री नेकपा माओवादी केन्द्रको भागमा पर्ने निश्चित भएको बताएका छन्।

बागमती प्रदेशको मुख्यमन्त्री माओवादी बागमती संसदीय दलका नेता शालिकराम जम्मकट्टेललाई अघि सार्ने काठमाडौंमा भएको सत्ता गठबन्धनको बैठकले निर्णय गरेको छ।

केन्द्रमा सत्ता गठबन्धनमा रहेका ७ राजनीतिक दलहरुमध्ये बागमतीमा तीन दलहरुको नेतृत्व छ।

दलहरुबीच आइतबार साँझ बालुवाटारमा भएको छलफलमा बागमतीमा एमाले र माओवादीले आलोपालो गर्ने सहमति अनुसार जम्मकट्टेल प्रदेशको दोस्रो कार्यकालको पहिलो मुख्यमन्त्री बन्ने लगभग पक्का भएको स्रोतको दाबी छ।