राष्ट्रिय सभाको आठौँ अधिवेशन आजदेखि सुरु हुँदैछ। बिहीबार दिउँसो ४ बजे संसद भवन नयाँ बानेश्वरमा अधिवेशन बोलाइएको संघीय संसद सचिवालयले जनाएको छ।
राष्ट्रिय सभामा हाल १९ वटा विधेयक विचाराधिन अवस्थामा छन्। यो अधिवेशनमा ती विधेयकका साथै समितिका प्रतिवेदन र संवैधानिक निकायबाट आएका पत्रहरु प्रस्तुत हुने कार्यसूची रहेको संसद सचिवालका सहायक प्रवक्ता दशरथ धमलाले जानकारी दिए।
अधिवेशनको पहिलो बैठकमा अध्यादेशहरु पेश गर्नुपर्ने नियमावलीको व्यवस्था अनुसार अध्यादेशहरु पेश हुन लागेका हुन्। राष्ट्रिय सभा बैठकमा सहभागी हुने सदस्यहरुको बुधबार एन्टीजेन परीक्षण पनि गरिएको छ।
संसद भवनमा समाचार संकलनका लागि जाने सञ्चारकर्मी, सुरक्षाकर्मी र संसद सचिवालयका कर्मचारीको पनि एन्टीजेन परिक्षण गरिएको सचिवालयले जनाएको छ।
3
Shares
प्रतिक्रिया