युनिकोड
राष्ट्रिय प्रजातन्त्र पार्टीका अध्यक्ष कमल थापाले राष्ट्रपति विद्यादेवी भण्डारीलाई आज दलहरुमार्फत परेका सरकार बनाउने दाबी खारेज गर्न माग गरेका छन्।
सामाजिक सञ्जाल फेसबुकमार्फत अध्यक्ष थापाले प्रधानमन्त्री केपी शर्मा ओली र माओवादी, कांग्रेस र एमालेको एकपक्षीय नेताहरुको तर्फबाट परेको नयाँ सरकारको दाबी अस्वीकार गर्न आग्रह गरेका हुन्।
उनले दुवै दाबीलाई जाली र किर्ते भन्दै तत्काल खारेज गरी चुनाव घोषणा गर्न माग गरेका छन्।
संघीय गणतन्त्रलाई नेताहरुले गाईजात्रामा परिणत गरेको उनको दाबी छ।
राष्ट्रपतिलाई चेताउँदै उनले भनेका छन्, ‘अब जनतालाई विकल्प खोज्ने अवसर दिनुपर्छ।’
माधव नेपालपक्षका नेतासहित कांग्रेस र माओवादीले १४९ सांसदको हस्ताक्षरसहित सरकार बनाउने दाबी पेस गरेका छन् भने यता प्रधानमन्त्री ओलीले १५३ सांसद आफ्नो पक्षमा रहेको दाबी परेको छ।
प्रतिक्रिया