युनिकोड
प्रधानमन्त्रीसमेत रहेका नेकपा एमालेका अध्यक्ष केपी शर्मा ओलीले एकलौटी निर्णय गरेर आफूलाई ‘बाइपास’ गर्न थालेपछि माधवकुमार नेपाल पक्ष प्रतिकारका लागि सक्रिय बनेको छ।
यसै क्रममा उसले आज आफूपक्षीय केन्द्रीय कमिटी बैठक राख्ने भएको छ।
नेपाल पक्षका एक एमाले नेताले नेपालखबरलाई दिएको जानकारीअनुसार बैठक बानेश्वरस्थित अर्याल होटलमा बिहान ११ बजे सुरु हुनेछ।
बैठकमा शुक्रबार अध्यक्ष ओलीले गरेका निर्णयविरुद्ध के कसरी अघि बढ्ने भन्ने विषयमा बारे छलफल हुने उनले बताए।
साथै चैत ४ गते राष्ट्रिय कार्यकर्ता भेला राख्ने निर्णय अनुमोदन पनि आजको बैठकले गर्ने ती नेताले जानकारी दिए।
उनका अनुसार आफ्ना पक्षका सांसदलाई ओलीले कारबाही गर्ने पनि सम्भावना रहेकाले यस विषयमा पनि बैठकमा छलफल हुनेछ।
प्रतिक्रिया