युनिकोड
झापाको गौरादहमा भेटिएको एउटा ग्रेनेड बम नेपाली सेनाको टोलीले डिस्पोज गरेको छ।
गौरादह नगरपालिका–७ मा बस्न् गरिमा भुजेलले अपरान्ह ३ः१५ बजे गाई वस्तु चराउन जाँदा धमिराले बनाएको दुलोमा डल्लो जस्तो शंकास्पद वस्तु देखेर त्यसबारे अरुलाई खबर गरेकी थिइन्।
उनी र अर्की स्थानीय हिमा पौडेलले लौरोले बाहिर निकालेर हेर्दा प्लाष्टिकमा पोको पारेको बम जस्तो देखिएपछि उनीहरुले प्रहरीलाई खबर गरेका थिए।
त्यसपछि स्थानीय प्रहरीले त्यसबारे थप अनुसन्धान गरेका थिए।
त्यसपछि चारआलीबाट नेपाली सेनाको टोलीले साँझ सवा ५ बजे डिस्पोज गरेको डीएसपी राकेश थापाले बताएका छन्।
उनका अनुसार सो डिस्पोज गर्ने क्रममा कुनै मानवीय क्षति भएको छैन।
प्रतिक्रिया