राष्ट्रपति विद्यादेवी भण्डारी र प्रधानमन्त्री केपी शर्मा ओलीबीच भेटवार्ता भएको छ।
बिहीबार मन्ध्यान्ह आकस्मिक रुपमा मन्त्रिपरिषद बैठक बोलाएका प्रधानमन्त्री ओली त्यसअघि राष्ट्रिपति भण्डारीलाई भेट्न शीतलनिवास पुगेका हुन्।
शीतलनिवासमा केहीबेर राष्ट्रपति भण्डारी र प्रधानमन्त्री ओलीबीच छलफल भएको स्रोतले बतायो।
अहिले प्रधानमन्त्री ओली बालुवाटार फर्किसकेको र मन्त्रिपरिषद बैठक सुरु हुन लागेको एक मन्त्रीले नेपालखबरलाई बताए।
पार्टी स्थायी समितिमा राजीनामा मागिएका प्रधानमन्त्री ओली मन्त्रिपरिषद बैठकअघि राष्ट्रपतिलाई भेट्न जानुलाई चासोका रुपमा हेरिएको छ।
यसअघि मंगलबार स्थायी समितिको बैठकअघि र पछि गरेर दुईपटक प्रधानमन्त्री ओलीले राष्ट्रपति भण्डारीलाई भेटेका थिए।
याे पनि: प्रधानमन्त्री ओलीले अपर्झट् बोलाए मन्त्रिपरिषद् बैठक
Shares
प्रतिक्रिया