संविधान संशोधनका लागि मतदान हुनुअघि कांंग्रेस संसदीय दलको बैठक बस्दै

मुख प्रतिपक्षी दल नेपाली कांग्रेस संसदीय दलको बैठक आज बस्ने भएको छ।

कांग्रेस संसदीय दलले शनिबार एक विज्ञप्ति जारी गरी दिउँसो १२ ः ३० बजे बैठक संघीय संसद् भवन नयाँ बानेश्वरस्थित ल्होत्से हलमा बस्न लागेको जानकारी दिएको हो।

कांग्रेस संसदीय दलका प्रमुख सचेतक बालकृष्ण खाँडले संविधान संशोधन र समसामयिक राजनीतिक घटनाक्रमका बारेमा छलफल गर्न बैठक आह्वान गरिएको जानकारी दिए। रासस