बालेनको शपथ ग्रहण विधिप्रति अर्थमन्त्रीको व्यंग्य

अर्थमन्त्री रामेश्वर खनालले बलेन्द्र शाह (बालेन)ले प्रधानमन्त्री हुनलाग्दा अपनाएको शपथ  ग्रहण विधिप्रति असन्तुष्टि जनाएका छन्। सामाजिक सञ्जाल फेसबुकमा एक पोष्ट गर्दै उनले ‘साइत हेरेर सपथ ग्रहण गर्ने’ बालेनको कदमप्रति असन्तुष्टि जनाएका हुन्। उनले लेखेका छन, ‘यो साइत देखाएर शपथ  ग्रहण गर्ने परम्परा कत्ति मन परेन, हामीलाई साइत हेर्ने, देखाउने छुट वा समय नै थिएन।’ 

उनले साइत हेरेर पदभार ग्रहण नगरे पनि इतिहासमा आफूहरूले पहिलो पटक स्वच्छ निर्वाचन गर्न सफल भएको उल्लेख गरेका छन्। उनले भनेका छन्–तर इतिहासमा पहिलो पटक स्वच्छ निर्वाचन सम्पन्न भयो त !’ राष्ट्रिय स्वतन्त्र पार्टी (रास्वपा)को तर्फबाट प्रधानमन्त्री हुन लागेका बालेनले १३ गते धार्मिक परम्परा अनुसार प्रधानमन्त्रीको सपथ लिने कार्यक्रम सार्वजनिक भएको छ।