युनिकोड
नेपाली कांग्रेसको जारी केन्द्रीय कार्यसमिति बैठक आजका लागि सकिएको छ। पार्टी मुख्यालय सानेपामा बसिरहेको बैठक आगामी आइतबार बिहान ८ बजे पुन: बस्ने गरी आजका लागि स्थगित भएको हो।
पार्टीको आन्तरिक रणनीति, समसामयिक राजनीतिक अवस्था र आगामी महाधिवेशनको तयारी लगायतका विषयमा छलफल गर्न बोलाइएको बैठकमा आज पनि विभिन्न केन्द्रीय सदस्यहरूले आ-आफ्नो धारणा राखेका थिए।
बैठकको निर्णयबारे जानकारी दिँदै केन्द्रीय सदस्य अजयबाबु शिवाकोटीले भने, ‘आजका लागि निर्धारित छलफलहरू सम्पन्न भएका छन्। बाँकी विषयमा थप छलफल गर्न र नेताहरूको धारणा सुन्नका लागि पर्सि बिहान ८ बजे फेरि बैठक बस्ने तय भएको छ।’
आजको बैठकमा सभापति गगन थापाको राजीनामा र भर्खरै सम्पन्न निर्वाचनको समीक्षाका विषयमा नेताहरूले बोलेका थिए।
उपसभापति विश्वप्रकाश शर्माको सभापतित्वमा बसेको बैठकमा केन्द्रीय सदस्यहरूले सभापति थापाको राजीनामा अस्वीकृत गर्नुपर्ने धारणाा राखेका थिए।
प्रतिक्रिया