युनिकोड
प्रतिनिधि सभा निर्वाचनका लागि आवश्यक पर्ने सामग्री छपाई भएर निर्वाचन आयोगमा आउन थालेका छन्।
काठमडौँको कमलादीस्थित नेपाल प्रज्ञा-प्रतिष्ठानको छापाखानामा छापिएका सागम्री आउन सुरु भएको आयोगका सहयाक प्रवक्ता कुलबहादुर जीसीले बताए। उनका अनुसार, प्रज्ञा-प्रतिष्ठानको छापाखानामा मतदान निर्देशिका, मतगणना निर्देशिका, निर्वाचनसम्बन्धी ऐन, नियम र अन्य निर्देशिका छपाई भएका छन्।
यी सामग्री आउने क्रम सुरु भएको सहायक प्रवक्ता जीसीले बताए। यीसँगै अन्य सामग्री पनि ७७ वटै जिल्लामा पठाउने गरी तयारी भएको छ।
प्रतिष्ठानबाट पहिलो चरणमा पाँच हजार छपाइ सामग्री आएको उनले जानकारी दिए। बाँकी सामग्री पनि अब क्रमशः आएपछि जिल्ला जिल्लामा पठाउन तयारी अवस्थामा राखिनेछ।
मतपत्र भने जनक शिक्षा सामग्री केन्द्र लिमिटेडमा छपाइ भइरहेको छ।
प्रतिक्रिया