युनिकोड
राष्ट्रिय स्वतन्त्र पार्टी (रास्वपा) का उपसभापति डीपी अर्यालले बालेन्द्र शाह बालेन र कुलमान घिसिङसँग सहकार्य जनचाहनाको सम्बोधन र नयाँ राजनीतिक शक्ति निर्माणको सुरुवात भएको बताएका छन्।
रास्वपा, बालेन र कुलमानबीच सोमबार राति एकताको सहमति भएपछि अर्यालले सामाजिक सञ्जालमार्फत खुसी प्रकट गरेका हुन्।
‘बलियो राजनीतिक शक्ति बन्ने अभियानमा रास्वपा थप विस्तारित र सुदृढ बन्दै छ। बालेन र कुलमानजीसँगको सहकार्य जनचाहनाको सम्बोधन र नयाँ राजनीतिक शक्ति निर्माणको प्रारम्भ हो। हामी जनताको विश्वासमै अझै शसक्त र सबल हुनेछौँ’, उनले लेखेका छन्, ‘एकतालाई सुदृढ बनाउन योगगदान र त्याग गर्नुहुने सबैप्रति आभारी छौँ।’
तीन पक्षबीच एकतासँगै अब कुलमान संरक्षक रहेको उज्यालो नेपाल पार्टी रास्वपामा समाहित भएको छ। काठमाडौँ महानगरपालिकाका मेयर बालेन त आइतबारदेखि नै रास्वपा नेता बनिसकेका छन्।
हेर्नुहोस् सहमतिपत्र:
प्रतिक्रिया