युनिकोड
भरतपुर महानगरकी मेयर रेणु दाहाल चितवन-३ बाट नेपाली कम्युनिस्ट पार्टी (नेकपा)को उम्मेदवार सिफारिश भएकी छन्।
नेकपाको बिहीबार बसेको क्षेत्र नं. ३ को बैठकले दाहाललाई उम्मेदवार सिफारिश गरेको हो। यो क्षेत्रबाट उनको एकल सिफारिश गरिएको छ।
भरतपुर महानगर रहेको यो क्षेत्रबाट गत निर्वाचनमा राप्रपाका विक्रम पाण्डे निर्वाचित भएका थिए। उनले ३५ हजार ६० मत पाएका थिए।
दोस्रो नम्बरमा रहेका तत्कालीन नेकपा (माओवादी केन्द्र)का भोजराज अधिकारीले २५ हजार ८२४ मत पाएका थिए। तेस्रो नम्बरमा रहेकी राष्ट्रिय स्वतन्त्र पार्टी (रास्वपा)की उम्मेदवार जिता बरालले १४ हजार ८४३ मत पाएकी थिइन्।
प्रतिक्रिया