देशको राजनीति बीपीले अपनाउनुभएको नीतिको जगमा उभिएको छ : देउवा

नेपाली कांग्रेसका सभापति शेरबहबादुर देउवाले देशको अहिलेको राजनीति बीपी कोइरालाले अपनाएको राजनीतिको जगमा उभिएको बताएका छन्।

मंंगलबार ४३ औँ बीपी कोइराला स्मृति दिवसको अवसरमा आयोजित कार्यक्रममा उनले कोइरालाको संघर्ष र मूल्य मान्यताले देश र कांग्रेसलाई आजको स्थितिमा ल्याएको उल्लेख गरे। 

पूर्वप्रधानमन्त्री देउवाले देशमा मुद्दा लगाइएको अवस्थामा भारत निर्वासनमा बसेर संघर्ष गरेका बीपी राष्ट्रियता कमजोर भयो भनेर स्वेदश फर्किनु चानचुने कुरा नभएको उल्लेख गरे।

‘भारत प्रवासमा रहेर तत्कालीन निरंकुश पञ्चायती व्यवस्थाविरुद्ध संघर्ष गरिरहेको बेला राष्ट्रियता कमजोर भएको महशुस गरेर नेपाल फर्कनुभयो, त्यतिबेला बीपी कोइरालाविरुद्ध पञ्चायती सरकारले ८ वटा ज्यान मुृद्दा लगाएको थियो,’ उनले भने, ‘मृत्युदण्डसमेत पाउनसक्ने ती संघीन आरोपका समेत प्रवाह नगरी ज्यानको बाजी लगाएर २०३३ साल पुस १६ गते राष्ट्रिय एकता तथा मेलमिलापको नीति लिई उहाँ स्वदेश फर्कनुभयो। वास्तवमा आजको मुलुकको राजनीति पनि उहाँले अपनाएको नीतिको जगमा उभिएको छ। राजनीति अहिलेको जस्तो सहज थिएन। हामी सबैले राजनीतिका कठिन दिन भोगेर यहाँ आएका हौँ।’