युनिकोड
शुक्रबार (साउन २ गते) नेकपा एकता अभियानका संयोजक वामदेव गौतम नेकपा एकीकृत समाजवादीमा समाहित भएका छन्।
एकता घोषणा सभामा वामदेव र एकीकृत समाजवादीका अध्यक्ष माधवकुमार नेपालले गरेको अंकमालले धेरैको ध्यान खिचेको छ।
यसैबीच नेकपा एमालेका पोलिटब्युरो सदस्य सूर्य थापाले त्यस तस्बिरका विषयमा व्यंग्यात्मक टिप्पणी गरेका छन्।
वामवदेव र माधवको अंकमाललाई उनले 'अर्थ न बर्थ' तथा 'लगनपछिको पोते'को संज्ञा दिएका छन्।
सामाजिक सञ्जालमा उनी लेख्छन्, ‘वामदेवमा माधवकुमारको आनन्द : अर्थ न बर्थको ७७ र ७३ बर्षीय अंकमाल! ऊर्जाबेगरको अभिनय, २०५४ सालमा यो मतिले काम गरेको भए...? अनि, नि:सर्त रूपमा विभाजनप्रति पश्चात्ताप गर्दै यस्तो गरेको भए ...? लगनपछिको पोते!’
वामदेव र माधव दुवै एमालेबाट अलग्गिएका नेता हुन्।
प्रतिक्रिया