जिल्ला अदालतमा रवीन्द्र मिश्रको बयान

राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्र जिल्ला अदालत काठमाडौँमा बयान दिइरहेका छन्। 

राज्यविरुद्धको कसुर, आपराधिक उपद्रव र संगठित अपराधको कसुरमा अदालतमा मुद्दा दायर भएपछि मिश्र मंगलबार अदालतमा हाजिर भएका हुन्।

थुनछेक बहसअघि जिल्ला न्यायाधीश तारादेवी महर्जनको इजलासमा मिश्रको बयान चलिरहेको छ। यसपछि आजै थुनछेक बहस हुने र आदेश गर्ने जिल्ला अदालतको तयारी छ। 

यसअघि सोमबार राप्रपाका महामन्त्री समेत रहेका सांसद धवलशमशेर जबरा अदालतमा हाजिर भएका थिए। यही मुद्दामा राणालाई अदालतले ३ लाख रुपैयाँ धरौटीमा रिहा गर्न आदेश दिएको थियो। राणा धरौटी बुझाएर रिहा भएको भोलिपल्ट मिश्र अदालतमा उपस्थित भएका हुन्।

यसअघि अनुसन्धानको क्रममा मिश्रलाई सर्वोच्च अदालतले रिहा गर्न आदेश दिएको थियो। सर्वोच्चबाट बन्दीप्रत्येक्षीकरणको निवेदन दिएर रिहा भएका मिश्र अरुको थुनछेक पछि मात्रै अदालतमा उपस्थित भएका हुन्।

चैत १५ गते काठमाडौँको तीनकुनेमा भएको राजावादीको प्रदर्शनमा मिश्र पनि सहभागी थिए। यो घटनामा ४ नाबालकसहित ६५ जनाविरुद्ध अदालतमा मुद्दा दायर भएको छ।