सवा ३ बजेसम्मलाई सर्‍यो संसद् बैठक

प्रतिनिधिसभाको बैठक सवा ३ बजे बस्ने सूचना टाँस भएको छ।  आज दिउँसो १ बजेका लागि डाकिएको बैठक दलहरूबीच सहमति नजुटेपछि बस्न सकेन। 

भिजिट भिसा प्रकरणमा गृहमन्त्रीको संलग्नता दाबी गर्दै विपक्षी दलहरूले उनको राजीनामा र उच्चस्तरीय छानबिन समिति गठनको माग गर्दै सदन अवरोध गर्दै आइरहेका छन्। 

सदन अवरोध जारी राख्ने भएपछि आज सभामुख देवराज घिमिरेले सत्तापक्ष र प्रतिपक्षका प्रमुख सचेतकसँग छलफल गरेका थिए। छलफलमा दुवै पक्ष आफ्नो अडानमा टसमस भएनन्।

कांग्रेस-एमाले गृहमन्त्रीले राजीनामा दिनुपर्ने कुनै कारण नभएको बताउँदै आएका छन् भने प्रतिपक्ष गृहमन्त्रीको राजीनामालाई नै बटमलाइन नै बनाउँदै आएका छन्।