राप्रपाका उपाध्यक्ष मिश्रमाथि दुव्यर्वहार गरिएको भन्दै रास्वपाद्वारा सरकारको ध्यानाकर्षण

रााष्ट्रिय स्वतन्त्र पार्टीका सांसद मनिष झाले राप्रपाका वरिष्ठ उपाध्यक्ष रविन्द्र मिश्रमाथि प्रहरीले दुव्यर्वहार गरेको भन्दै सरकारको ध्यानाकर्षण गराएका छन्।

प्रतिनिधि सभाको मंगलबारको बैठकमा बोल्दै सांसद् झाले मिश्रको व्यवहार र विचारप्रति सहमति नभएपनि राज्यले उनीहमाथि गरिराखेको व्यवहारप्रति विमति रहेको बताए। उनले पार्टीका सभापति रवि लमिछानेमाथि राज्यले प्रतिशोध साँधेको प्रधानमन्त्रीले नै स्वीकार गरेको टिप्पणी समेत गरे। 

‘रविन्द्र मिश्रज्यूको व्यवहार र विचारप्रति मेरो सहमति नहोला। तर उहाँमाथि राज्यले गरिराखेको दुव्र्यवहारप्रति मेरो घोर विमति छ। त्यो व्यवहारमा सरकार सच्चियोस्। म सरकारको ध्यानाकर्षण गराउन चाहन्छु। यही १४ गते काठमाडौँमा सम्माननीय प्रधानमन्त्रीज्यूले एउटा स्टेटमेन्ट दिनुभयो– नयाँ दलबाट आएका केहीलाई ठिक पार्नुथियो, एक झापो लगाए हिरासतमा पु¥याएँ। उहाँलाई धन्यावाद छ, स्वीकार्नुभयो कि राजनीतिक प्रतिशोध नै रहेछ। आग्रह गर्न चाहन्छु आइन्दा यो विषयमा विवाद गर्न नआउनु होला। ’

आफूलाई सुशासनको हवाला दिने सरकारले १० महिनासम्म सम्पति विवरण किन नबुझाएको भन्दै उनले प्रश्न समेत गरे।