बहुमत आउन गाह्रो भए पनि यो संविधान सबैलाई मिलाउन सक्ने छ : देउवा

पूर्वप्रधानमन्त्री एवं नेपाली कांग्रेसका सभापति शेरबहादुर देउवाले नेपालको अहिलेको संविधान अनुसार कुनै पनि दलको बहुमत आउन गाह्रो भए पनि यो सवैलाई मिलाएर लैजाने खालको भएको बताएका छन्। 

आइतबार नेपाल मुस्लिम संघको इद मिलन कार्यक्रममा सम्बोधन गर्दै उलने नेपालको संविधान समावेशी समेत भएको जिकिर गरे। ‘कुनै पनि पार्टीको बहुमत आउन गाह्रो छ, बहुमत आउन गाह्रो भएता पनि सबैलाई मिलाउन सक्ने यो संविधान छ,’ देउवाले भने, ‘नेपालको संविधान पुरा रुपमा समानुपातिक, समावेशी संविधान छ। यसमा जनजाती, आदिवासी, मुस्लिम, थारु, महिला लगायत सबैको समावेशिता छ।’

उनले आफ्नो पार्टीको विधान पनि संविधान जस्तै समावेशी भएको दाबी गरे। देउवाले भने, ‘हाम्रो पार्टीभित्र पनि समानुपातिक, समावेशी विधान छ।'