तोसिमा कार्कीको सांसद पद जोगियो, जितिन् निर्वाचन आयोगविरुद्धको मुद्दा

राष्ट्रिय स्वतन्त्र पार्टीकी सांसद तोसिमा कार्कीको सांसद पद जोगिएको छ। 

२०७९ को चुनावमा निर्वाचन आयोगले उम्मेदवारी खारेजको निर्णय गरेपछि कार्कीले २०७९ कात्तिक १४ गते सर्वोच्च अदालतमा रिट दायर गरेकी थिइन्। 

उक्त रिटको कात्तिक १५ गते प्रारम्भिक सुनुवाइमै सर्वोच्चका न्यायाधीश कुमार चुडालको इजलासले अन्तरिम आदेश जारी गर्दै उम्मेदवारी कायम राख्न निर्वाचन आयोग र मुख्य निर्वाचन अधिकृतको कार्यालय ललितपुर क्षेत्र नं ३ लाई आदेश दिएको थियो।

कात्तिक २८ गते न्यायाधीश ईश्वरप्रसाद खतिवडा र तिलप्रसाद श्रेष्ठको संयुक्त इजलासले पनि अन्तरिम आदेशलाई निरन्तरता दिने आदेश दिएपछि कार्कीको ललितपुर ३ मा रास्वपाको तर्फबाट उम्मेदवारी कायम भएको थियो।