युनिकोड
परराष्ट्रमन्त्री डा. आरजु राणा देउवा भारतको नयाँदिल्ली पुगेकी छन्।
जर्मनीको राजधानी बर्लिनबाट बुधबार प्रस्थान गरेकी उनी आज बिहान नयाँदिल्ली पुगेकी हुन्।
नयाँदिल्लीस्थित विमानस्थलमा बिहान साढे ८ बजे ओर्लिएकी परराष्ट्रमन्त्री राणालाई भारतस्थित नेपाली दूतावासका अधिकारीहरूले स्वागत गरेका थिए।
भारतमा रहँदा उनले काठमाडौँ विश्वविद्यालय र भारतको इग्रो फान्डेशनले आयोजना गरेको नेपाल–भारत सम्मेलनमा मुख्य वक्ताको रुपमा सम्बोधन गर्नेछिन्।
बेल्जियम, नेदरल्यान्ड्स, लक्जेम्बर्ग र जर्मनीको भ्रमणपछि परराष्ट्रमन्त्री राणा भारत पुगेकी हुन्।
जर्मनीमा रहँदा उनले यौनिक र लैंगिक अल्पसंख्यकहरूको अधिकारसम्बन्धी सम्मेलन-२०२४ मा सहभागिता जनाएकी थिइन्।
यस क्रममा उनले लैंगिक अल्पसंख्यकहरूले विश्वभर सामना गर्नुपरेका हिंसा, उत्पीडन र प्रणालीगत असमानताका चुनौतीबारे चर्चा गरिन्।
साथै उनले नीतिमा आधारभूत रूपान्तरणको आवश्यकता औँल्याउँदै नारीवादी परराष्ट्र नीतिले दीर्घकालीन परिवर्तन गर्न सक्ने सम्भावनाबारे आफ्नो धारणा राखिन्।
प्रतिक्रिया