ad ad

राजनीति


संसद्को अवरोध जारी राख्ने विपक्षी दलहरूको निर्णय

संसद्को अवरोध जारी राख्ने विपक्षी दलहरूको निर्णय

नेपालखबर
जेठ ११, २०८१ शुक्रबार १२:२१, काठमाडौँ

प्रमुख प्रतिपक्षी दल नेपाली कांग्रेससहितका विपक्षी दलहरूले संघीय संसद्को दुवै सदनमा अवरोध जारी राख्ने निर्णय गरेका छन्।

शुक्रबार प्रतिनिधिसभा बैठक सुरु हुनुअघि नयाँ बानेश्वरस्थित कांग्रेस सभापति शेरबहादुर देउवाको कार्यकक्षमा बसेको विपक्षी नेताहरुको बैठकले संसद्को गतिरोध जारी राख्ने निर्णय गरेको हो। 

‘हामीले संसद्को गतिरोध जारी राख्ने निर्णय गरेका छौँ,’ राप्रपा प्रमुख सचेतक ज्ञानेन्द्र बहादुर शाहीले नेपालखबरसँग भने, ‘अब सभामुखले के गर्नुहुन्छ, उहाँको कुरा भयो।’

विपक्षी दलहरूले संसद् बैठकमा अवरोध गर्दै आएका छन्। 

प्रमुख प्रतिपक्षी दल नेपाली कांग्रेसले उपप्रधान एवं गृहमन्त्री रवि लामिछानेको समेत सहकारीको रकम अपचलनमा संलग्नता रहेको भन्दै संसद् अवरोध गर्दै आएको छ।

संसदीय छानबिन समिति बनाउने निर्णय भएपनि टीओआर (कार्यादेश) मा सहमति नजुट्दा कांग्रेसले अवरोध कायमै राखेको छ।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .