राजनीति


रञ्जिता भन्छिन् : रेशम राजी भइसके, अब विवाद छैन

रञ्जिता भन्छिन् : रेशम राजी भइसके, अब विवाद छैन

नेपालखबर
फागुन ३०, २०८० बुधबार १७:१९, काठमाडौँ

नागरिक उन्मुक्ति पार्टी (नाउपा)की अध्यक्ष रञ्जिता श्रेष्ठले पार्टी संरक्षक रेशम चौधरीले पुष्पकमल दाहाल ‘प्रचण्ड’लाई विश्वासको मत दिने निर्णयमा सहमति जनाएको बताएकी छन्।

बुधबार प्रचण्डलाई आफ्ना चारैजना सांसदले विश्वासको मत दिएको पनि नेपालखबरसँगको कुराकानीमा बताइन्।

मंगलबार श्रेष्ठले प्रचण्डलाई विश्वासको मत दिन ह्विप लगाएकी थिइन्।

तर, संरक्षक चौधरीले बहुमत केन्द्रीय सदस्यको हवाला दिएर सुदूरपश्चिम प्रदेशमा बरु संवाद गर्न सकिने भए पनि केन्द्रमा प्रचण्डलाई विश्वासको मत दिन नहुने र प्रतिपक्षमा बस्नुपर्नेलगायत दुई बुँदे निर्णय गरेका थिए।

श्रेष्ठ र चौधरीबीचको विवादले अन्योल बनेको थियो।

बुधबार बिहानै चौधरीले श्रीमती श्रेष्ठलाई सम्बोधन गर्दै सामाजिक सञ्जालमा लामो स्टाटस लेखेका थिए।

तर, बुधबार दिउँसो प्रचण्डलाई विश्वासको मत दिने कुरामा चौधरी सहमत बनेको रञ्जिताले नेपालखबरलाई बताइन्।

‘हाम्रा पार्टीका चारै जनाले प्रधानमन्त्री प्रचण्डलाई विश्वासको भोट हाल्यौं,’ श्रेष्ठले भनिन्, ‘प्रदेश सरकारमा समेत यही गठबन्धनबाट जाने समझदारी जुट्दै छ।’

उनले उत्साहित हुँदै थपिन्, ‘रेशमजी सहमत भइसक्नुभयो। मैलेभन्दा बढी उहाँले समर्थन गर्नुहुन्छ। सम्मानीय प्रधानमन्त्रीज्यूलाई विश्वासको मत पाएको तस्बिर राखेर बधाई दिइसक्नुभएको छ।’

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:[email protected]
News:[email protected]

विज्ञापनका लागि सम्पर्क


+977 9851081116
[email protected]
Copyright © 2021 Nepalkhabar. All Rights Reserved. Designed byCurves n' Colors. Powered by .