युनिकोड
नेपाल–अमेरिका पूर्वविद्यार्थी सञ्जाल (नुसान) को नयाँ अध्यक्षमा प्रवीणा अमात्य चयन भएकी छन्।
यो अमेरिकी एक्सचेन्जअन्तर्गत पूर्वविद्यार्थीको नेटवर्क हो, जसले व्यावसायिक सम्बन्ध प्रवर्द्धन गर्न, शैक्षिक विचार आदानप्रदान गर्न र नेपाल–अमेरिका सम्बन्धका फाइदा नागरिक तहमा उपयोग गर्न मद्दत गरिरहेको छ।
नवनिर्वाचित नुसान कार्यसमितिको उपाध्यक्षमा बमनकुमार घिमिरे, महासचिवमा स्वर्ण ताम्राकार, सचिवमा निकेश बलामी र कोषाध्यक्षमा कुश्मा केसी चयन भएका छन्।
त्यस्तै सदस्यमा रोशन खड्का, अशोक साह, प्रकाश लामिछाने, कृष्णबहादुर सुनार, गार्गी नेपाल र सागर कोइराला चयन भएका छन्।
नयाँ कार्यसमितिको कार्यकाल दुई वर्षको हुनेछ।
अमेरिकी विदेश विभागबाट प्रायोजित कार्यक्रममा भाग लिएका सबै नेपाली व्यवसायी यो संस्थाको सदस्य बन्न पाउने नुसानले जनाएको छ।
प्रतिक्रिया