परराष्ट्रमन्त्री नारायणप्रकाश साउद संयुक्त राज्य अमेरिकाको औपचारिक भ्रमणका लागि आगामी कात्तिक १२ गते त्यसतर्फ प्रस्थान गर्दैछन्।
आइतबार साँझ काठमाडौं ओर्लने संयुक्त राष्ट्रसंघका महासचिव एन्टोनियो गुटेरसलाई विमानस्थलमा परराष्ट्रमन्त्री साउदले स्वागत गर्ने तय भएको छ। सोही साँझ उनी अमेरिका भ्रमणका लागि उड्ने छन्।
भ्रमणका क्रममा उनले कात्तिक १३ गते वाशिङ्टन डिसीमा अमेरिकी विदेशमन्त्री एन्टोनी जे ब्लिन्केनसँग द्विपक्षीय भेटवार्ता गर्ने कार्यक्रम रहेको मन्त्रालयले जनाएको छ।
उनले अमेरिकी कांग्रेस नेपाल ककसका सहअध्यक्ष कांग्रेस सदस्य माइक केरीसँग पनि भेटवार्ता गर्ने कार्यक्रम रहेको छ।
नेपाली प्रतिनिधिमण्डलमा अमेरिकाका लागि नेपाली राजदूत श्रीधर खत्री, परराष्ट्र मन्त्रालय र वासिङ्टन डिसीस्थित नेपाली राजदूतावासका वरिष्ठ अधिकारीका साथै नेपालस्थित एफएनसीसीआई र अमेरिकन चेम्बर अफ कमर्सका अध्यक्ष रहनेछन्।
परराष्ट्रमन्त्री कात्तिक १९ गते काठमाडौँ फर्कनेछन्।
Shares
प्रतिक्रिया