सीके राउत नेतृत्वको जनमत पार्टीले उद्योग तथा बाणिज्य र श्रम तथा उपभोक्ता समितिको सभापतिमा अब्दुल खानलाई उम्मेदवार बनाउने निर्णय गरेको छ।
समितिको सभापतिको निर्वाचन सोमबार (११ भदौ) मा हुँदैछ। सभापति चयनको लागि आज (आइतबार) अपरान्ह ४ बजेसम्म मनोनयनको समय राखिएको छ।
प्रतिनिधिसभाका १० वटा विषयगत समितिका सभापति चयन गर्न निर्वाचन हुन लागेको हो।
सत्तारुढ गठबन्धन र प्रमुख प्रतिपक्षी नेकपा एमालेबीच भएको भागबन्डा अनुसार उद्योग समितिको सभापति जनमतले पाएको हो।
सभापतिमा उम्मेदरवारी दिनको लागि समितिमा कम्तीमा ३ जना सदस्य हुनुपर्छ।
साउन २२ मा कांग्रेसले ४, एमाले ३, माओवादी केन्द्रले २, जनता समाजवादी पार्टी, एकीकृत समाजवादी र जनमत पार्टीले एक–एक सिटको सभापति लिनेगरी भागवण्डा गरिसकेका छन्।
45
Shares
प्रतिक्रिया