युनिकोड
राष्ट्रपति रामचन्द्र पौडेलले विवादित नागरिकता विधेयक प्रमाणीकरण गरेसँगै आक्रोश बढिरहेको छ।
अघिल्लो संसद्को कार्यकालमा दुई पटकसम्म रोकिएर निष्क्रिय रहेको विधेयक फेरि संसद्मा नल्याई राष्ट्रपति रामचन्द्र पौडेलले प्रमाणीकरण गरिदिएपछि दलहरुमा आक्रोश देखिएको हो।
पछिल्लो पटक राष्ट्रिय प्रजातन्त्र पार्टीका अध्यक्ष राजेन्द्र लिङ्देनले नागरिकता विधेयकतिर लक्षित गर्दै यसलाई प्रमाणीकरण गराउने सत्तारूढ दलहरुलाई गोटीको संज्ञा दिएका छन्।
उनले सत्ता स्वार्थका लागि गठबन्धनले आत्मसमर्पण गरेको पनि उल्लेख गरेका छन्।
‘छि:छि: गोटीहरु...!’, उनले भनेका छन्, ‘सत्ता स्वार्थका लागि यो तहको आत्मसमर्पण?’
उनले आफूहरुले राष्ट्रपति होइन, राजा ल्याउने कुराले सार्थकता पाउँदै गएको पनि बताउका छन्। ‘हामीले राष्ट्रपति होइन, राजा त्यसै भनेका होइनौँ’, उनले अगाडि भनेका छन्, ‘अब ढिलो नगरौं।’
प्रतिक्रिया