युनिकोड
प्रदेश ३ को नाम बागमती राख्ने प्रस्ताव सर्वसम्मतले पारित भएको छ।
आइतबार बसेको प्रदेशसभाको बैठकले प्रदेशको नाम बागमती राख्ने कांग्रेस संसदीय दलका नेता
सांसद इन्द्र बानियाँले राखेको प्रस्ताव सर्वसम्मत रुपमा पारित भएको हो। उक्त प्रस्तावको पक्षमा १ सय ८ मत परेको छ भने विपक्षमा कुनै पनि मत परेन।
प्रस्ताव सर्वसम्मतरुपमा पारित भए पछि अब प्रदेश ३ को नाम बागमती प्रदेश रहने भएको छ।
यसअघि आजै बसेको बैठकले प्रदेश प्रदेश ३ को स्थायी राजधानी मकवानपुरको हेटौँडा कायम गर्ने निर्णय गरेको थियो।
प्रदेश ३ को राजधानी हेटौंडा तोकियोस् भन्ने मुख्यमन्त्री डोरमणि पौडेलले राखेको प्रस्तावको पक्षमा १०५ मत परेको थियो। त्यो मत भनेको प्रदेशसभामा तत्काललाई कायम रहेको दुईतिहाइभन्दा बढी मत हो। उक्त प्रस्तावका समर्थकहरुमा कांग्रेस सांसद इन्द्र बानियाँ, राप्रपा, राप्रपा ९संयुक्त० लगायत ६ दलका सांसद थिए।
सो मतदानमा १०८ जना सांसदले भाग लिएका थिए। तीन जनाले भने प्रदेशको राजधानी हेटौँडा हुनु हुँदैन भन्ने पक्षमा मतदान गरे।
दुईतिहाइ भन्दा बढी मत परेपछि प्रदेशसभाका सभामुख सानुकुमार श्रेष्ठले प्रदेश ३ को स्थायी राजधानी हेटौँडा दुईतिहाई बहुमतले स्वीकृत भएको घोषणा गरे।
प्रतिक्रिया