युनिकोड
हेटौंडामा बोलेरोको ठक्करबाट दुई वर्षीय बालकको मृत्यु भएको छ।
हेटौंडा उपमहानगरपालिका वडा नम्वर ११, नमुना चोकस्थित भित्री सडकखण्डमा आज बिहान बोलेरो पिकअप गाडीले ठक्कर दिँदा स्थानीय सुमि डिङ्डुङको छोरा समर लोको मृत्यु भएको प्रहरी कार्यालय मकवानपुरका प्रवक्ता एवं प्रहरी नायव उपरीक्षक टेक बहादुर कार्कीले जानकारी दिए।
बुधबार बिहान सिमलटारबाट हेटौंडा बजारतर्फ आउँदै गरेको बागमती प्रदेश–०३–००१ च १५९७ नम्बरको बोलेरो गाडिले ठक्कर दिँदा समर घाइते भएका थिए।
उपचारका लागि हेटौंडा अस्पताल ल्याइएकोमा बिहान पौने ८ बजे डाक्टरले उनलाई मृत घोषणा गरेको प्रवक्ता कार्की बताए। गाडी र चालक प्रहरीको नियन्त्रणमा रहेको उनले बताए।
प्रतिक्रिया